Xəbər verdiyimiz kimi, Azərbaycan Dövlət Musiqili Teatrı Şamaxı rayonunda qastrol səfərində olub. Yaradıcı kollektiv yerli teatrsevərlərə Faiq Sücəddinov və Tamara Vəliyevanın “Mən dəyərəm min cavana” ikihissəli musiqili komediyasını təqdim edib.
Rayon Mədəniyyət mərkəzində nümayiş olunan səhnə əsəri tamaşaçıların böyük marağına səbəb olub. Qeyd edək ki, son bir ayda Dövlət Musiqili Teatrı O.Zülfüqarov və R.Heydərin “Dəcəl çəpişlər” musiqili nağıl-tamaşası ilə Masallı rayonunda, V.Ulanovski və V.Orlovun “Qızıl cücə” musiqili nağıl-tamaşası ilə isə Xaçmaz rayonunda çıxış edib.