Noyabrın 7-8-də Azərbaycan Respublikası Mədəniyyət və Turizm Nazirliyinin təşkilatçılığı ilə IV Bakı Beynəlxalq Teatr Konfransı keçiriləcək. Konfrans “Azərbaycan teatrı 2009-2019-cu illərdə” Dövlət Proqramının icrası çərçivəsində təşkil ediləcək.
Beynəlxalq Teatr Tədqiqatları Federasiyasının (IFTR) saytında festival barədə məlumat verilib. Qeyd olunur ki, beynəlxalq teatr konfransının əsas məqsədi dünyanın müxtəlif ölkələrindən aparıcı nəzəriyyəçilər, alimlər, rejissorlar və prodüserlərə müasir teatrın imkanlarını və qarşılaşdığı problemləri müzakirə etmək üçün platforma yaratmaqdır. Builki konfransın əsas mövzusu “Multikulturalizm və teatr” olacaq. Noyabrın 6-da və 9-da beynəlxalq ekspertlər tərəfindən ustad dərsləri və treninqlər keçiriləcək.