Füzuli Dövlət Dram Teatrının yaradıcı heyəti Silahlı Qüvvələr Günü münasibətilə N saylı hərbi hissədə keçirilən tədbirə qatılıb. Tanınmış xanəndələrin iştirak etdiyi tədbirdə teatrın aparıcı aktyorları Vaqif Rəhimov, Məryəm Məmmədova, İntizar Quliyeva, Əli Hüseynov, Qaçaq Qarayev, Sehran Xanlarov, Aygün Cəfərova, Fatimə Səfərəliyeva və digərlərinin ifasında Nəcəf bəy Vəzirovun "Hacı Qəmbər”, Süleyman Sani Axundovun "Bəndalı bəndə düşüb”, Şıxəli Qurbanovun "Olmadı elə, oldu belə” komediyalarından parçalar nümayiş olunub.