Xəbər verdiyimiz kimi, Dövlət Gənc Tamaşaçılar Teatrının yaradıcı heyəti respublikamızın cənub bölgəsinə qastrol səfərinə çıxıb. Kollektiv V.Siqarevin “Şeytan ailəsi” əsəri əsasında hazırlanmış “Ağ ölüm” tamaşası ilə Biləsuvar rayonunda çıxış edib. «Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı»nın icrası çərçivəsində təqdim olunan tamaşada əsas obrazları Nübar Novruzova, aktyorlar Rəzzaq Məmmədov, Vüsal Mehrəliyev, Zülfiyyə Alhüseynova, Səbinə Məmmədova, Manaf Dadaşov və Anar Seyfullayev ifa edirlər.
Gənc Tamaşaçılar Teatrı 88-ci mövsümə iyulun 1-də Astara rayonunda yekun vuracaq.