Azərbaycan Dövlət Akademik Milli Dram Teatrı mövsümə iyulun 17-də görkəmli yazıçı-dramaturq İlyas Əfəndiyevin “Hökmdar və qızı” pyesi əsasında hazırlanmış “Qarabağnamə” tamaşası ilə yekun vuracaq.
Tamaşanın quruluşçu rejissoru Xalq artisti Mərahim Fərzəlibəyov, səhnə tərtibatçısı Əməkdar rəssam İsmayıl Məmmədov, musiqi tərtibatçısı Həmid Kazımzadədir. Rolları xalq artistləri Rafiq Əzimov, Ramiz Məlik, əməkdar artistlər Kazım Abdullayev, Məsmə Aslanqızı, Mirzə Ağabəyli, Əjdər Həmidov və başqaları ifa edir.