Noyabrın 17-dən 20-dək V.Mayakovski adına Moskva Akademik Teatrının kollektivi Bakıda, S.Vurğun adına Azərbaycan Dövlət Rus Dram Teatrının səhnəsində çıxış edəcək.
Azərbaycan Dövlət Rus Dram Teatrının saytında yer alan xəbərə görə, Moskva teatrının paytaxtımıza səfəri Azərbaycan Respublikası Mədəniyyət və Turizm Nazirliyinin dəstəyi və Rusiya Federasiyası Mədəniyyət Nazirliyinin qastrol proqramı çərçivəsində reallaşacaq.
Rusiyalı aktyorlar noyabrın 17-18-də N.Qoqolun “Evlənmə”, 19-20-də Maryus İvaşkyaviçyusun “Rus romanı” tamaşalarını nümayiş etdirəcəklər.