Opera və Balet Teatrı balet truppasının gənc solisti Cəmilə Kərimova sentyabrın 8-dən 17-dək Qazaxıstanın Astana şəhərində keçiriləcək III Beynəlxalq balet artistləri müsabiqəsinə dəvət olunub.
Teatrda 2011-ci ildən çalışan C.Kərimova truppanın ən gənc və ümidverən solistlərindəndir. Bakı Xoreoqrafiya Akademiyasının magistraturasında təhsil alır. Azərbaycan Respublikası Prezidentinin mükafatçısı, Qəmər Almaszadə adına I Beynəlxalq balet müsabiqəsinin Qran-pri mükafatının sahibidir.
O, müsabiqədə "Qu gölü", "Don Kixot", "Yatmış gözəl", "Bayaderka" kimi klassik baletlərdən nümunələrlə çıxış edəcək.