Qax Dövlət Kukla Teatrı səyyar tamaşa ilə səfərlərə çıxıb. Oktyabrın 7-dən 20-dək kollektiv Qax rayonunun Turaclı, Marsan, Tasmalı, Zəyəm, Şotavar, Qorağan, Dəymədağlı, Almalı, Qıpçaq, Cəlayır, Baydarlı, Kötüklü kəndlərində Gülşən Orucovanın “Sehrli torba” tamaşası ilə məktəblilər və bağça uşaqları qarşısında çıxış edəcək.
Tamaşanın quruluşçu rejissoru Rahib Məmmədov, səhnə tərtibatçısı Mayis Abdullayev, musiqi tərtibatçısı Yusif Abdurahmanovdur.