Bakı Uşaq Teatrı 15-30 noyabrda Türkiyənin Bilecik şəhərində keçiriləcək XI beynəlxalq teatr festivalına dəvət alıb. Festivalın rəhbəri Ercument Doğan kollektivin 2013-cü ildə “Türk xalqlarının teatrı” layihəsi çərçivəsində uğur qazanmış “Sıravi Dursun” tamaşasını festivalda görmək istəyini bildirib.
S.M.Qənizadənin “Dursunəli Ballıbadı” pyesi əsasında tamaşanı İntiqam Soltan səhnələşdirib. Tamaşanın rəssamı Sevda Məmmədova, bəstəkarı Mahir İbrahimli, musiqi tərtibatçısı Rauf Hüseynlidir.