Noyabrın 6-da Azərbaycan Dövlət Akademik Opera və Balet Teatrında görkəmli Azərbaycan bəstəkarı Fikrət Əmirovun “Sevil” operasının növbəti tamaşası olacaq.
Teatrın mətbuat xidmətindən bildirilib ki, səhnə əsərində ilk dəfə olaraq Balaş obrazını Xalq artisti Samir Cəfərov ifa edəcək. Onun səhnədə tərəf-müqabilləri İlahə Əfəndiyeva, İnarə Babayeva, Səbinə Vahabzadə, Cahangir Qurbanov, Əkrəm Poladov və başqaları olacaq.
Tamaşanın dirijoru beynəlxalq müsabiqələr laureatı Əyyub Quliyevdir.