Gənclər və İdman Nazirliyinin təşkilatçılığı ilə “Novruz etüdləri” adlı rəsm müsabiqəsinin keçirilməsinə start verilib. Nazirliyin mətbuat xidmətindən verilən məlumata görə, müsabiqənin keçirilməsində məqsəd, tələbələri milli adət-ənənələrlə yaxından tanış etmək, yaradıcı və istedadlı gəncləri aşkar etmək, onlara dövlət qayğısını artırmaqdır. Müsabiqədə yalnız ali və orta ixtisas təhsili müəssisələrinin tələbələri iştirak edə bilər. Müsabiqənin nəticələri və qaliblərin mükafatlandırılması martın 17-də “Abşeron” rəsm qalereyasında keçiriləcək.