Xəbər verildiyi kimi, bu il 44 günlük İkinci Qarabağ müharibəsi haqqında bədii filmin istehsalına başlanılacaq. Mədəniyyət Nazirliyinin dəstəyi ilə ərsəyə gələcək ekran əsəri döyüş filmi janrında olacaq.

Hazırda filmin ssenarisi üzərində iş gedir. Ssenari yazılışı prosesində müharibə ilə bağlı məlumatlar, real döyüş hekayələri toplanır, emal olunur. Real faktlar və yaxın tarix haqqında filmin mükəmməl bədii (ekran) təcəssümünə nail olmaq xüsusilə ciddi və məsuliyyətli işdir.

2022-ci ildə sözügedən filmin ssenarisinin tamamlanması, hazırlıq prosesinin aparılması və çəkilişinə başlanılması nəzərdə tutulub.