31 ildən sonra

Türk pop musiqisinin məşhur qruplarından olmuş “İzel-Çelik-Ercan” (İzel Çeliköz, Çelik Erişçi, Ercan Saatçi) geri qayıdır. Qrup üzvləri 31 ildən sonra fəaliyyətini bərpa etmək qərarına gəliblər. Üçlük illər sonra ilk dəfə birlikdə çıxış edəcək.

Xatırladaq ki, 1991-ci ildə üç universitet dostu İzel, Çelik və Ercan tərəfindən qurulan qrup “Özledim” albomu ilə qısa zamanda populyarlıq qazanıb.

Albom satış rekordları qırdıqdan sonra trio çoxsaylı konsertlər verib. Onların “Darıxmışam” və “Sən qayıtmalısan” kimi mahnıları hit-paradlarda birinci olub.

Daha sonra qrup üzvləri ayrı-ayrılıqda musiqi karyeralarını davam etdirmək qərarına gəliblər.

İllərdir həmişə pərəstişkarları ilə bir araya gəlmək istəyən “İzel-Çelik-Ercan” avqustun 25-də İstanbulda “Kuruçeşme” açıq səhnəsində konsertlərinə başlayacaq.