İsrailin məşhur pianoçusu, beynəlxalq müsabiqələr laureatı, bəstəkar İlana Zalka-Rubinşteyn Üzeyir Hacıbəyli adına Bakı Musiqi Akademiyasında (BMA) ustad dərsləri və mühazirə keçmək üçün dəvət olunub.

Noyabrın 23-də qonaq BMA-da “Musiqi bizə sevgi haqqında danışacaq” mövzusunda mühazirə-dərs keçib.

BMA-nın beynəlxalq əlaqələr və sosial məsələlər üzrə prorektoru, professor Yeganə Axundova qonağı təqdim edib.

İlana Zalka-Rubinşteyn Bakıya gəlişindən çox məmnun olduğunu və azərbaycanlılara böyük rəğbət bəslədiyini bildirib.

O, mühazirə zamanı – Y.S.Bax, F.Mendelson, V.A.Motsart, F.Şopen, R.Şuman, R.Vaqner kimi bəstəkarların yaradıcılığına toxunaraq onların əsərlərindən nümunələr ifa edib.

Sonda qonaq özünün müəllifi olduğu “Noktürn” əsərini ifa edib.