Mədəniyyət və Turizm Nazirliyinin Körfəz ölkələrindəki turizm nümayəndəliyi olan “Atlantis Holidays” şirkətinin təbliğat işləri nəticəsində Küveytin “Al Jarida” qəzetində Azərbaycanın turizm imkanları haqqında məqalə yayımlanıb.
Müəllif Bakının gözəlliklərindən söz açır, Heydər Əliyev Beynəlxalq Hava Limanını dünyanın ən yaxşı aeroportlarından biri kimi qiymətləndirir.
Məqalədə Azərbaycan təbiəti, musiqisi, milli mətbəxi, mədəniyyət və tarixi haqqında ətraflı məlumatlar qeyd olunub. Həmçinin Yanardağ və palçıq vulkanları əhəmiyyətli turistik məkanlar kimi qeyd edilib. Müəllif Azərbaycanda keçirilən bayram, festival və beynəlxalq tədbirlər haqqında da geniş məlumat verib.