Türkiyə nəsri dünyanın diqqət mərkəzində olduğu bir vaxtda bu ölkə ədəbiyyatının poeziyası da digər ölkələrin diqqətinə düşüb. Əvvəlcə Nazim Hikmətin seçmə şeirləri İngiltərə nəşriyyatı tərəfindən çap edilib. Ardınca isə oxucu marağını nəzərə alan ingilis “Agenda” jurnalı “Müasir türk şeiri” adlı xüsusi sayını nəşr etdirib. Nəşrə 44 şairin poeziya nümunələrinə yer verilib. Eyni nəşrin öz dillərində təqdimi üçün Fransa, İtaliya, İspaniya ədəbi nəşrləri də təkliflərlə çıxış ediblər.