Azərbaycan Dövlət Filarmoniyasında, Beynəlxalq Muğam Mərkəzində və Azərbaycan Dövlət Gənc Tamaşaçılar Teatrında növbəti “Zamanla üz-üzə” beynəlxalq layihəsi keçiriləcək.
Layihənin bədii rəhbəri Əməkdar incəsənət xadimi, professor Fərəc Qarayevdir. Layihədə Ü.Hacıbəyli adına Azərbaycan Dövlət Simfonik Orkestri, dirijorlar Rauf Abdullayev, Fuad İbrahimov və solistlər iştirak edəcəklər. Layihəni səciyyələndirən önəmli məqam - bir çox müasir musiqi əsərlərinin Bakıda ilk dəfə ifa olunmasıdır.
2 və 4 mart, 13 və 15 aprel tarixlərində Azərbaycan Dövlət Filarmoniyasında, Beynəlxalq Muğam Mərkəzində və Gənc Tamaşaçılar Teatrında layihə çərçivəsində konsertlər təqdim olunacaq.