Azərbaycan Milli Elmlər Akademiyasının Əlyazmalar İnstitutu XV-XVI əsrlərdə yaşamış görkəmli Azərbaycan şairi Kişvərinin ana dilində yazdığı “Divan”ının Bursa kitabxanasında (Türkiyə) yeni nüsxəsini əldə edib. İnstitutdan bildiriblər ki, indiyədək bu əsərin Səmərqənd, Daşkənd, Bakı və Tehran nüsxələri mövcud idi. Yeni nüsxədə şairin digər nüsxələrdə olmayan şeirləri var. Bu mənbədən istifadə etməklə şairin “Divan”ının yenidən nəşr edilməsi nəzərdə tutulub.