Məşhur ingilis dramaturqu Uilyam Şekspirin ilk kitabı Oksford Universiteti tərəfindən rəqəmsal yazıya köçürüləcək.
   Oksford Universitetinə bağlı Bodlayn kitabxanasında saxlanılan Şekspirin ilk əlyazması 1623-cü ildən etibarən qorunmağa başlansa da, ilk səhifələrinin cırılmasının qarşısını almaq mümkün olmayıb. Kitab Şekspirin vəfatından (1616) sonra dostları tərəfindən nəşr edilib. Kitaba “Fırtına”, “On ikinci gecə”, “Maqbet” və “Yuli Sezar” kimi Şekspirin dünyaca məşhur on səkkiz pyesi daxildir.
   Bodlayn kitabxanasının başlatdığı 20 min funt sterlinqlik fond yardımı ilə kitab rəqəmsal yazıya köçürüləcək və bunun sayəsində hər kəs onun köhnəlmiş səhifələrini əldə edə, pyesləri orijinal halında oxuya biləcəklər.