Ukraynanın Krım Muxtar Respublikasının Simferopol şəhərində Azərbaycan diasporu fəallarının iştirakı ilə görkəmli Azərbaycan şairi Mirzə Ələkbər Sabirin 150 illiyinə həsr olunmuş gecə keçirilib.
   Tədbirin təşkilatçısı “Vətən” Krım Azərbaycanlıları Konqresinin sədri Hafiz Abbasovdur. Bu yaxınlarda, sədr seçilmiş Hikmət Cavadov başda olmaqla, Ukrayna Azərbaycanlıları Konqresinin (UAK) nümayəndələri gecənin qonaqları arasında olub.
   Gecədə UAK-nin Krım nümayəndəliyinin işinin gücləndirilməsi də müzakirə olunub, mətbuat orqanının, bazar günü məktəblərinin yaradılmasının vacibliyi vurğulanıb.
   Müzakirələrdən sonra “Cəmilə” Krım-Tatar ansamblı qonaqlar qarşısında xalq rəqslərimizi ifa edib, Azərbaycan diasporunun gənc üzvləri Sabirin şeirlərini söyləyiblər.